Оланз ODT (10 мг)

Оланзапин

Оланзапин

Ауыз қуысында ұсақталатын 5 мг, 10 мг таблеткалар

Бір таблетканың құрамында

белсенді зат – 5.000 мг, 10.000 мг оланзапин

қосымша заттар: маннитол (Perlitol SD 200), микрокристалды силикондалған Prosolv (SMCC 90) целлюлозасы, аспартам, орын басуы төмен гидроксипропилцеллюлоза (LH-11), кросповидон (Kollidone CL, А типі), кремнийдің коллоидты қостотығы, магний стеараты

Бір жағына «05» жазуы ойып түсірілген және екінші жағы тегіс сары түсті дөңгелек таблеткалар (5 мг доза үшін).

Бір жағына «10» жазуы ойып түсірілген және екінші жағы тегіс сары түсті дөңгелек таблеткалар (10 мг доза үшін).

Психотропты препараттар. Нейролептиктер (Антипсихотиктер). Дибензодиазепиндер және олардың туындылары. Оланзапин.

АТХ коды N05AH03

Фармакокинетикасы

Ішу арқылы қабылдаудан кейін оланзапин жақсы сіңіп, қан плазмасындағы ең жоғары концентрациясына 5-8 сағат өткен соң жетеді. Оланзапин сіңімділігі ас ішуге байланысты емес. Плазмадағы 7-ден 1000 нг/мл дейінгі концентрациясында оланзапиннің 93% жуығы плазма ақуыздарымен, негізінен, альбуминмен және 1-қышқыл-гликопротеинмен байланысады.

Оланзапин конъюгация және тотығу үдерістері нәтижесінде бауырда метаболизденеді. Негізгі айналымдық метаболиті гематоэнцефалдық бөгет арқылы өтпейтін 10-N-глюкуронид болып табылады. Р450 цитохромының CYP1A2 және CYP2D6 изоферменттері оланзапиннің N-десметил және 2-гидроксиметил метаболиттерінің түзілуіне қатысады. Р450 цитохромы CYP2D6 изоферментінің белсенділігі оланзапин метаболизмінің деңгейіне ықпал етпейді. Препараттың негізгі фармакологиялық белсенділігі бастапқы зат – оланзапинмен жүзеге асады. Оланзапиннің 57% жуығы бүйрек арқылы, негізінен, метаболиттер түрінде шығарылады.

Оланзапин емшек сүтімен бөлінеді. Сәби қабылдаған орташа дозасы (мг/кг) анасындағы тепе-тең концентрацияға жеткенде ана оланзапинінің 1,8% дозасын (мг/кг) құрады.

Оланзапиннің фармакокинетикалық көрсеткіштері шылым шегуге, жынысы мен жасына қарай ауытқиды (кестені қараңыз).

Бүйрек зақымдануы бар пациенттерде (креатинин клиренсі <10 мл/мин), дені сау субъектілермен салыстырғанда, орташа жартылай шығарылу кезеңінің (тиісінше, 37,7 және 32,4 сағат) немесе плазмалық клиренсінің (тиісінше, 21,2 және 25,0 л/сағат) елеулі айырмашылығы білінбейді.

Бауыр функциясының мардымсыз бұзылулары бар шылым шегетін тұлғаларда, бауыр функциясының бұзылулары жоқ (тиісінше, 48,8 сағат және 14,1 л/сағат) шылым шекпейтіндерге қарағанда, оланзапин жартылай шығарылу кезеңі (39,3 сағат) мен клиренсі төмен (18,0 л/сағат).

Егде жастағы пациенттерде, 65 жасқа толмаған пациенттермен салыстырғанда, оланзапиннің плазмалық клиренсі ерлермен салыстырғанда әйелдерде және шылым шегетін пациенттермен салыстырғанда шылым шекпейтін пациенттерде төмен. Алайда, жас, жыныс ерекшелігінің немесе шылым шегудің креатинин клиренсі мен жартылай ыдырау кезеңіне ықпал ету шамасы жалпы жекешеаралық ауытқушылықпен салыстырғанда аз.

Ересек пациенттерде және 13-тен 17 жасқа дейінгі пациенттерде оланзапин фармакокинетикасы ұқсас. Клиникалық зерттеулерде оланзапиннің орташа әсері жасөспірімдер арасында 27% жоғары болды, бұл пациенттердің осы тобындағы демографиялық ерекшеліктермен байланысты болуы мүмкін (едәуір төмен дене салмағы және шылым шегетін пациенттердің аз саны).

Фармакодинамикасы

Оланзапиннің серотонин, дофамин (D1 - D5), мускарин (М1 - М5), гистамин (Н1) рецепторларына (5HT2A/2C, 5HT3, 5HT6), сонымен қатар адренегриялық жүйенің α-1 рецепторларына тектестігі жоғары.

Препарат мезолимбиялық (А10) дофаминергиялық нейрондар қозғыштығын селективті төмендетеді, сонымен қатар моторлық функцияны реттеуге қатысатын жолақ тәрізді (А9) жүйке жолдарына болымсыз әсерін көрсетеді. Оланзапин каталепсия (моторлық функцияға жағымсыз әсерін көріністейтін бұзылыс) туғызатын дозалардан едәуір төмен дозаларда шартты қорғағыш рефлексті (психозға қарсы белсенділікті сипаттайтын тест) төмендетеді. Оланзапин «шорбуынға» тест өткізгенде үрейге қарсы әсерді күшейтеді.

Оланзапин өнімді де (сандырақтау, елестеулер және басқа), теріс те бұзылыстар редукциясын қамтамасыз етеді.

Оланз ODT препараты:

• айқын өнімді (мысалы, сандырақтау, елестеулер, ойлау бұзылысы, жауығу және күдікшілдік) және/немесе (мысалы, эмоциялық қатаю, эмоциялық және әлеуметтік шеттелу, көп сөйлей алмау) симптоматикасы, сондай-ақ қатарлас салдарлы аффектілі бұзылыстары бар пациенттерде шизофрения мен ұқсас психоздық бұзылыстар өршулерін емдеу және демеуші ем үшін; емдеудің бастапқы әсері байқалған пациенттер емін жалғастырғанда клиникалық жақсаруды демеу үшін

• препарат биполярлы бұзылыстар кезіндегі маниакальді, аралас немесе депрессиялық көріністердің қайталанулары мен қайталанулар жиілігінің азаюы арасындағы аралықты ұзарту үшін көрсетілген

• препарат маниакальді көріністі емдеуде тиімді болған биполярлы бұзылысы бар пациенттерде қайталанулардың алдын алу үшін

Ішке қабылдау үшін.

Оланз ODT таблеткалары сілекейде тез ериді және оңай жұтылады. Ауыздан таблетканы ерімеген күйінде шығарып алу қиын. Таблеткаларды тура қабылдар алдында суда ерітуге болады. Сынғыш екендіктен Оланз таблеткаларын қаптамасынан тікелей пайдаланар алдында шығарып алу керек. Ас ішу препараттың сіңуіне ықпал етпейді.

Тәуліктік дозаны науқастың клиникалық жай-күйіне қарай әркімге жеке таңдау қажет. Пациентті тиісті клиникалық тексеруден кейін ғана дозаны стандартты тәуліктік дозадан жоғары арттыру ұсынылады.

Шизофрения және ұқсас психоздық бұзылыстар

Ұсынылатын Оланз ODT бастапқы дозасы тәулігіне бір рет 10 мг құрайды. Емдік дозалар тәулігіне 5 мг-ден 20 мг дейінгі диапазонда өзгеріп отырады. Пациенттің клиникалық статусын тиісінше бағалаудан соң дозаны тәуліктік 10 мг дозадан жоғары арттыру ұсынылады.

Биполярлық бұзылыс кезінде қайталануларын болдырмау

Ұсынылатын бастапқы дозасы 10 мг/тәулік құрайды. Маниакальді көріністерді емдеу үшін оланзапин қабылдаған пациенттерге қайталанудан сақтану мақсатында оcыған ұқсас доза пайдаланылатын емді жалғастыру ұсынылады. Жаңа маниакальді, аралас немесе депрессиялық жай-күй туындағанда оланзапин қолданылатын емді клиникалық көрсетілімдер бойынша симптомдарды емдеуге арналған қосымша еммен бірге (қажеттілігіне қарай дозаны оңтайландырып) жалғастыру қажет. Шизофренияны, маниакальді көріністі емдеу және биполярлы бұзылыс кезіндегі қайталанулар профилактикасы кезінде тәуліктік дозаны кейіннен 5-20 мг/тәулік диапазонда пациенттің клиникалық статусына қарай түзетуге болады. Пациентті тиісінше клиникалық тексеруден кейін ғана дозаны стандартты тәуліктік дозадан жоғары арттыру ұсынылады. Дозаны кемінде 24 сағат аралықтармен біртіндеп арттыру керек.

Оланзапин қабылдауды тоқтату кезінде дозаны біртіндеп азайтуды ескерген жөн.

Пациенттердің ерекше топтары үшін тәуліктік дозаны таңдаудың жалпы ережелері

Егде жастағы пациенттерге немесе ауыр дәрежедегі бүйрек жеткіліксіздігін немесе ауырлығы орташа дәрежедегі бауыр жеткіліксіздігін қоса, басқа клиникалық қауіп факторлары бар пациенттерге тәулігіне 5 мг дейін бастапқы дозаны азайту ұсынылады. Оланзапин метаболизмін баяулатуы мүмкін факторлар біріктірілімі бар пациенттерге (әйел жынысты, қарттық жастағы, шылым шекпейтін пациенттер) оланзапиннің бастапқы дозасын азайтуға кеңес беруге болады.

Оланзапинді, қауіпсіздігі мен тиімділігі туралы деректер болмауына байланысты, 18 жастағы балалар мен жасөспірімдерге тағайындау ұсынылмайды. Қысқа мерзімді проспективті зерттеу барысында, ересек пациенттермен салыстырғанда, жасөспірім пациенттерде дене салмағының қарқынды артуы, липидтер және пролактин бейінінің өзгерістері хабарланған.

Ең көп жиі хабарланған жағымсыз реакцияларға (1%) ұйқышылдық, дене салмағының артуы, эозинофилия, пролактин, холестерин, глюкоза және триглицеридтер деңгейінің жоғарылауы, глюкозурия, тәбеттің төмендеуі, бас айналу, акатизия, паркинсонизм, дискинезия, ортостаздық гипотония, антихолинергиялық әсерлер, бауыр трансаминазаларының транзиторлы симптомсыз жоғарылауы, бөртпе, астения, шаршау, ісіну, қызба, артралгия, сілтілік фосфатаза деңгейінің жоғарылауы, гамма-глутамилтрансфераза, несеп қышқылы және креатинфосфокиназаның жоғарылауы жатады.

Өте жиі (≥10%)

• қысқа мерзімді қолдану кезеңінде (орта есеппен, 47 күн) салмақтың артуы1,3 (дене салмағының ≥7%)

• плазмада пролактин деңгейінің жоғарылауы3,8

• ортостаздық гипотензия3

• ұйқышылдық

• аш қарында ≥5,17-<6,2 ммоль/л бастапқы көрсеткішпен салыстырғанда, холестерин деңгейінің ≥6,2 ммоль/л жоғарылауы3

• ≥1,69-<2,26 ммоль/л бастапқы көрсеткішпен салыстырғанда, триглицеридтер деңгейінің ≥2,26 ммоль/л жоғарылауы3

• аш қарында ≥5,56-<7 ммоль/л бастапқы көрсеткішпен салыстырғанда, глюкоза деңгейінің ≥7 ммоль/л жоғарылауы3

• ұзақ мерзімді қолдану кезеңінде (48 аптадан артық) салмақтың артуы (дене салмағының ≥7%)

Жиі (≥1%, <10%)

• қысқа мерзімді қолдану кезеңінде (орта есеппен, 47 күнге жуық) салмақтың артуы1,3 (дене салмағының ≥15%)

• эозинофилия3, лейкопения (нейтропенияны қоса)3

• бауыр аминотрансферазаларының (АЛТ, АСТ) транзиторлы асимптоматикалық жоғарылауы3, әсіресе, бастапқы емдеу сатыларында

• сілтілік фосфатаза (СФ) деңгейінің жоғарылауы3

• аш қарында <5,17 ммоль/л бастапқы көрсеткішпен салыстырғанда, холестерин деңгейінің ≥6.2 ммоль/л жоғарылауы3

• аш қарында <1,69 ммоль/л бастапқы көрсеткішпен салыстырғанда, триглицеридтер деңгейінің ≥2.26 ммоль/л жоғарылауы3

• аш қарында бастапқы <5,56 ммоль/л көрсеткішпен салыстырғанда, глюкоза деңгейінің ≥7 ммоль/л жоғарылауы3

• гамма-глутамилтрансфераза деңгейінің жоғарылауы3

• несеп қышқылы деңгейінің жоғарылауы3

• глюкозурия3

• тәбеттің артуы

• бас айналу

• акатизия6

• паркинсонизм6

• дискинезия6

• орташа транзиторлы антихолинергиялық әсерлер, іш қату мен ауыздың кеберсуін қоса

• ерлердегі эректильді дисфункция, ерлер мен әйелдерде жыныстық құштарлықтың төмендеуі

• бөртпе, ісіну (соның ішінде, шеткері)

• астения, шаршау, қызба

• артралгия

Кейде (≥0,1%, <1%)

• қысқа мерзімді қолдану кезеңінде (орта есеппен, 47 күнге жуық) салмақтың артуы1 (дене салмағының ≥25%)

• лейкопения, нейтропения

• брадикардия, QTc аралығының ұзаруы

• тромбоэмболия (соның ішінде өкпе артериясының тромбоэмболиясы және терең веналар тромбозы)

• фотосезімталдық реакциясы

• алопеция

• несепті ұстай алмау, несеп іркілісі

• аменорея, сүт бездерінің ұлғаюы, әйелдердегі галакторея, ерлердегі гинекомастия/кеуде бездерінің ұлғаюы

• креатинфосфокиназа деңгейінің жоғарылауы, жалпы билирубин жоғарылауы

• іштің кебуі

• амнезия

• мұрыннан қан кету

Сирек (≥0,01%, <0,1%)

• гепатит (бауыр-жасушалық, бауырдың холестаздық немесе аралас зақымдануы)

• гипергликемия

• талмалар/ұстамалар

Аса сирек (<0,01%)

• аллергиялық реакция (мысалы, анафилактоидты реакция, ангионевроздық ісіну, қышыну, есекжем)

• тоқтату симптомдары7

• панкреатит

• тромбоцитопения

• сарғаю

• бірнеше өліммен аяқталуды қоса, кейде кетоацидозбен4 немесе комамен байланысты қант диабетінің туындауы немесе өршуі

• рабдомиолиз

• приапизм

• гипертриглицеридемия5, гиперхолестеринемия

Жиілігі белгісіз

• гипотермия

• көпшілік жағдайларда анамнезде құрысуларды дамытатын ұстамалар немесе қауіп факторлары болған кездегі құрысулар

• қатерлі нейролептиктік синдром

• дистония (көз алмасының қозғалуын қоса)

• жаңа туған нәрестелердегі тоқтату синдромы

• кешеуілді дискинезия

• қарыншалық тахикардия/фибрилляция, кенеттен болатын өлім

• несеп шығаруда қиналу

1 ДСИ (дене салмағы индексі) барлық санаттары бойынша дене салмағының клиникалық мәнді артуы. Ұсынылған деректер препаратты қысқа мерзімді қолдану кезеңіне (орта есеппен, 47 күнге жуық) сәйкес келеді.

2 Липидтік алмасудың бастапқы бұзылуы жоқ пациенттерде аш қарында липидтер мәндерінің орташа жоғарылауы.

3 Бағалау клиникалық зерттеулер деректерінің базасында өлшенген мәндер негізінде жүргізілді.

4 COSTART диабеттік ацидоз термині.

5 COSTART гиперлипидемия термині.

6 Клиникалық зерттеулерде оланзапин қабылдаған пациенттерде паркинсонизм мен дистонияның туындау жиілігі саны жағынан жоғары болды, бірақ статистикалық тұрғыда плацебодан нақты ерекшеленбеген. Оланзапин қабылдаған пациенттерде, галоперидолдың титрленген дозаларымен салыстырғанда, паркинсонизм, акатизия және дистонияның туындау жиілігі төменірек болды.

7 Оланзапин қабылдау күрт тоқтатылғанда тершеңдік, ұйқысыздық, тремор, мазасыздық, жүрек айну және құсу сияқты жедел симптомдар дамуы білінді.

8 Оланзапин қабылдаған пациенттердің 30% шамасында 12 аптаға дейін созылатын клиникалық зерттеулерде плазмадағы пролактин деңгейі қалыптың жоғарғы шегінен асып кетті. Пациенттердің көпшілігінде пролактин деңгейінің жоғарылауы орташа болды және қалыпты мәндер диапазонының жоғарғы шегінен екі есе төмен күйде қалды.

Шизофрениясы бар пациенттерде кейде жыныс функциясының бұзылуымен және сүт бездерінің ауруларымен (≥0.1%-дан <1% дейін) байланысты болуы ықтимал клиникалық көріністер дамуы білінді және етеккір функциясының бұзылуымен (≥1%-дан <10% дейін) байланысты болуы ықтимал жағымсыз реакциялар дамуы жиі білінді. Басқа психикалық аурулары (биполярлы депрессия, психоздық депрессия, тұлғаны шектейтін бұзылыс және биполярлы мания) бар пациенттерде пролактин деңгейінің жоғарылауы кезінде сексуалдық функцияның бұзылуымен байланысты жағымсыз реакциялар жиі (≥1%-дан <10% дейін) болды, ал кейде (≥0.1%-дан <1% дейін) етеккір функциясының бұзылуымен және сүт бездерінің ауруларымен байланысты жағымсыз реакциялар кездесті.

Оланз ODT ұзақ уақыт қолданылғанда (48 аптадан кем емес) салмақ көрсеткіштерінің, глюкоза, жалпы холестерин, ТТЛП, ТЖЛП немесе триглицеридтер деңгейлерінің клиникалық мәнді өзгерістері бар пациенттердің сандық арақатынасы уақыт өте жоғарылады. Емнің 9-12 курсын бітірген пациенттерде шамамен 6 ай өткен соң қандағы глюкоза деңгейінің орта шамасының өсу екпіні баяулады.

Пациенттердің ерекше топтарындағы жағымсыз әсерлер

Клиникалық зерттеулерде ақыл-ес кемдігі бар егде жастағы пациенттерде оланзапинмен емдеу, плацебомен салыстырғанда, жүрек-қантамыр жүйесі тарапынан жағымсыз реакциялардың өте жоғары даму жиілігімен және аса көп өлімге ұшыраумен астасты. Пациенттердің осы тобында өте жиі жағымсыз реакцияларға (10%) жүріс-тұрыстың бұзылуы мен құлап қалу жатқызылды. Жиі жағымсыз реакциялар (≥1%, <10%) дене температурасының көтерілуі, летаргия, эритема, көру арқылы елестеулер, пневмония және несепті ұстай алмау болды.

Паркинсон ауруы тұсында дәрілік препаратты (допамин агонисі) қабылдаумен индукцияланған психозбен науқастарда өте жиі ( 10%) және, плацебомен салыстырғанда, аса жоғары жиілікте елестеулер және паркинсонизм симптомдарының күшеюі болды.

Оланзапинді литиймен немесе вальпроатпен біріктіріп қабылдаған биполярлы маниямен науқастарда нейтропения дамуы білінді. Осы топта өте жиі (10%) жағымсыз әсерлері салмақтың артуы, ауыздың кеберсуі, тәбеттің артуы, тремор және жиі (< 10% және ≥ 1%) сөйлеудің бұзылуы болды. Литиймен немесе дивалпроекспен біріктірілген оланзапинмен емделу кезінде салмақтың бастапқы деңгейден ≥7% артуы жедел кезеңдегі ем кезінде (6 аптаға дейін) пациенттердің 17,4%-да байқалды. Биполярлы бұзылысы бар пациенттерде қайталанулар профилактикасы мақсатында оланзапинмен ұзақ мерзімді (12 айға дейін) емделу пациенттердің 39,9%-да дене салмағының ≥7% артуымен астасты.

• препарат компоненттерінің кез келгеніне жоғары сезімталдық

• балалар мен 18 жасқа дейінгі жасөспірімдерге

• жабық бұрышты глаукома

• лактация кезеңі

Оланзапин метаболизмін CYP1А2 қатысты спецификалық белсенділік танытатын Р450 цитохромы изоферменттері тежегіштерінің немесе индукторларының әсерімен өзгертуге болады.

Іn vitro зерттеулер деректері бойынша, оланзапиннің Р450 цитохромының келесі: CYP1A2, CYP2C9, CYP2C19, CYP2D6 және CYP3A изоферменттерінің белсенділігін бәсеңдету қуаты тым аз. Клиникалық сынақтарда келесі препараттармен: трициклді антидепрессанттармен (CYP2D6) (соның ішінде имипраминмен немесе оның метаболиті -дезипрамин (CYP2D6, CYP3A, CYP1A2)), варфарин (CYP2C19), теофиллин (CYP1A2) немесе диазепаммен (CYP3A4, CYP2C19) емдеу аясында оланзапин дозасын бір рет енгізудің метаболизм бәсеңдеуімен қатар жүрмейтіні көрсетілген.

Оланзапин клиренсі шылым шегетін пациенттерде және карбамазепин қабылдайтын науқастарда (CYP1А2 белсенділігінің жоғарылауымен байланысты) артады. Клиникалық мониторинг өткізу және, қажет болса, оланзапин дозасын арттыру ұсынылады.

Белгілі күшті CYP1А2 тежегіштері оланзапин клиренсін төмендетуі мүмкін. Оланзапин CYP1А2 белсенділігінің күшті тежегіші емес, сондықтан Оланз ODT қабылдағанда негізінен CYP1A2 қатысуымен метаболизденетін теофиллин сияқты дәрілік заттар фармакокинетикасы өзгермейді.

Оланзапинді литиймен немесе бипериденмен біріктіріп қолдану кезінде дәрілік өзара әрекеттесу белгілері де анықталмаған.

Оланзапин допаминнің тікелей және тікелей емес агонистерінің әсерін әлсіретуі мүмкін.

Оланзапиннің тұрақты концентрациясы аясында этанол фармакокинетикасының өзгерістері білінбеген. Алайда этанолды оланзапинмен бірге қабылдау оланзапиннің фармакологиялық әсерлерінің, соның ішінде тыныштандыру әсерінің күшеюімен қатар жүруі мүмкін.

Флуоксетин (8 күн бойы бір рет 60 мг немесе күнделікті 60 мг) оланзапиннің ең жоғары концентрациясының орта есеппен 16% артуын және оланзапин клиренсінің орта есеппен 16% төмендеуін туындатуы мүмкін. Флуоксетиннің ықпал ету дәрежесі осы көрсеткіштердің әркімдегі жеке айырмашылықтар айқындылығынан едәуір кем түседі, сондықтан әдетте Оланз ODT дозасын оны флуоксетинмен біріктіру кезінде өзгерту ұсынылмайды.

Құрамында алюминий немесе магний бар антацид немесе циметидиннің бір реттік дозасы ішке қабылдағанда оланзапин биожетімділігін бұзбаған.

Белсендірілген көмірді бірге тағайындау ішке қабылдағанда оланзапин биожетімділігін 50-60% дейін төмендетеді. Белсендірілген көмірді Оланз ODT қабылдаудан кемінде 2 сағат бұрын немесе одан кейін қабылдау қажет.

Флувоксамин, спецификалық CYP1A2 тежегіші, оланзапин клиренсін едәуір төмендетеді. Нәтижесінде, флувоксамин қабылдағанда оланзапин Смах шылым шекпейтін әйелдерде 54% және шылым шегетін ерлерде 77% артады және оланзапин AUC орташа артуы, тиісінше, 52% және 108% құрайды. Флувоксамин немесе ципрофлоксацин сияқты кез келген басқа CYP1A2 тежегішін қабылдайтын пациенттерге оланзапиннің едәуір төмен бастапқы дозаларын тағайындау қажет. CYP1A2 тежегіштерімен емдеудің басында Оланз дозасын азайту қажет.

Адамның бауыр микросомалары пайдаланылатын in vitro зерттеулерінде оланзапиннің вальпроат глюкуронидінің (вальпроат метаболизмінің негізгі жолы) түзілу үдерісін мардымсыз бәсеңдететіні көрсетілген. Вальпроат in vitro оланзапин метаболизміне де болымсыз ықпал етеді. Күнделікті in vivo 10 мг оланзапинді 2 апта бойы бірге тағайындау плазмада вальпроаттың тұрақты концентрациясына ықпал етпейді. Осылайша, бір мезгілде Оланз ODT тағайындау вальпроат дозасын түзетуді талап етпейді.

Алкоголь ішетін немесе орталық жүйке жүйесінің бәсеңдеуін туындатуы мүмкін дәрілік препараттарды қабылдайтын пациенттерге Оланз ODT тағайындау кезінде сақтық таныту қажет.

Паркинсон ауруы және деменциясы бар пациенттерге паркинсонизмді емдеуге арналған дәрілік препараттармен бір мезгілде Оланз ODT қолдану ұсынылмайды.

Оланзапинді QTс аралығын арттыратын препараттармен бір мезгілде тағайындағанда сақтық таныту қажет.

Психозға қарсы препараттармен ем кезінде пациенттің клиникалық жай-күйінің жақсаруына жету бірнеше күннен бірнеше аптаға дейін уақыт алуы мүмкін. Осы кезеңде пациенттердің жай-күйін мұқият қадағалау қажет.

Мінез-құлық бұзылыстары және/немесе деменциямен байланысты психоздар

Оланзапин өліммен аяқталу жиілігінің және цереброваскулярлы бұзылулардың (инсульт, транзиторлы ишемиялық шабуылдар) даму қаупінің артуымен байланысты психозға шалдыққан егде жастағы пациенттерде қолдануға ұсынылмаған. Өлімнің көбеюі Оланз ODT дозасымен немесе емдеу ұзақтығымен байланысты емес. Осы қауымда пациенттерді өлімнің көбеюіне бейімдеуі мүмкін қауіп факторлары 65 жастан асу, дисфагия, тыныштану, тойып тамақ ішпеу, сусыздану, өкпе патологиясының (аспирациямен/онсыз пневмония) болуы немесе бензодиазепиндерді бір мезгілде қолдану болды.

Цереброваскулярлы бұзылулары бар пациенттердің бәрінде осының алдында цереброваскулярлы жағымсыз құбылыстарды (мысалы, цереброваскулярлы жағымсыз құбылыстың немесе транзиторлы ишемиялық шабуылдың бұрын білінген жағдайы, гипертония, шылым шегу) дамытатын қауіп факторлары, сондай-ақ қатарлас аурулар болды және/немесе цереброваскулярлы жағымсыз құбылыстармен уақытша байланысты болатын препараттар қабылдады. Оланзапинмен ем кезінде 75-тен асқан жас, тамырлық деменция немесе аралас типті деменция цереброваскулярлы жағымсыз реакцияларды дамытатын қауіп факторлары ретінде айқындалды. Пациенттердің осы тобында оланзапин тиімділігі айқындалмаған.

Паркинсон ауруы

Паркинсонизм симптомдары мен елестеулердің күшеюі мүмкін екеніне байланысты, оланзапин қолдану дофамин рецепторлары агонистерін қолданудан туындайтын Паркинсон ауруы кезінде психозды емдеуге ұсынылмайды. Бұл жағдайда психоз симптомдарын емдеу үшін оланзапин қолдану тиімділігі плацебо қолданудан артық емес.

Қатерлі нейролептиктік синдром (ҚНС)

Оланзапинді қоса, кез келген нейролептиктерді қолдану кезінде клиникалық көріністерінде дене температурасының едәуір көтерілуі, бұлшықеттердің сіресуі, психикалық статус өзгеруі және вегетативті бұзылулар (тахикардия, тамырдың тұрақсыз соғуы немесе артериялық қысым, жүрек аритмиясы, қатты терлеу) қамтылатын ҚНС дамуы мүмкін. Қосымша белгілері сарысулық КФК концентрациясының жоғарылауын, миоглобинурия (рабдомиолиз симптомы) мен жедел бүйрек жеткіліксіздігін қамтуы мүмкін. Қатерлі нейролептиктік синдромның клиникалық көріністері немесе осы синдромның басқа симптомдарынсыз дене температурасының едәуір көтерілуі Оланз ODT қамтылатын барлық нейролептиктерді тоқтатуды талап етеді.

Гипергликемия және қант диабеті

Оланз ODT қолдану кезіндегі жекелеген жағдайларда гипергликемия, қант диабеті, бұрын болған диабеттің өршуі, соның ішінде өліммен аяқталатын диабеттік кетоацидоз және диабеттік кома дамуы мүмкін. Хабарланғандай, пациенттің дене салмағының артуы осы жағымсыз әсерлер дамуына бейімдейтін фактор болуы мүмкін. Оланз ODT қамтылатын кез келген психозға қарсы препараттарды қабылдайтын пациенттерге гипергликемия симптомдарының (полидипсия, полиурия, тәбеттің артуы және әлсіздік) бар-жоғы тұрғысынан, сондай-ақ қант диабеті және диабетті дамытатын қауіп факторлары бар пациенттерге гликемиялық бақылаудың нашарлау белгілерінің бар-жоғы тұрғысынан мұқият клиникалық мониторинг өткізу ұсынылады. Пациенттердің дене салмағына мұқият мониторинг қажет.

Липидтер концентрациясының өзгеруі

Дислипидемиясы бар пациенттерде және липид алмасу бұзылуын дамытатын қауіп факторлары бар пациенттерде оланзапинмен емделу кезінде қан плазмасында липидтер концентрациясының өзгерістерін бақылау қажет. Оланз ODT қамтылатын кез келген психозға қарсы препараттарды қабылдайтын пациенттерге пайдаланылатын нормативтерге сәйкес липидтер мөлшеріне мұқият клиникалық мониторинг өткізу ұсынылады.

Антихолинергиялық белсенділік

Оланз ODT емі антихолинергиялық әсер ету көрінісімен байланысты жағымсыз реакциялармен қатар жүруі мүмкін. Қатарлас аурулары бар пациенттерде оланзапин қолданудың клиникалық тәжірибесі шектеулі, сондықтан клиникалық мәні бар қуық асты безінің қатерсіз гипертрофиясы, салданған ішек бітелісі, жабық бұрышты глаукома және осыған ұқсас басқа жай-күйлері бар пациенттерде оланзапин қолдану кезінде сақтық таныту ұсынылады.

Бауыр функциясының бұзылулары

Бауыр трансаминазалары (аспартатаминотрансфераза (ACT) және аланинаминотрансфераза (АЛТ)) белсенділігінің транзиторлы симптомсыз жоғарылауы оланзапинмен емделудің басында едәуір жиі білінді. Бастапқы жоғары АЛТ және/немесе ACT белсенділігі бар пациенттерде, бауыр жеткіліксіздігіне шалдыққан, функционалдық бауыр қоры шектеулі пациенттерде немесе гепатоуыттылығы зор препараттармен ем қабылдайтын пациенттерде сақтық таныту қажет. Гепатит (соның ішінде гепатоцеллюлярлы, холестаздық немесе этиологиясы аралас) дамыған жағдайда Оланз ODT емін тоқтату керек.

Нейтропения

Кез келген себептермен, соның ішінде нейтропения туғызатын дәрілік препараттар қабылдаумен, қатар жүретін аурулар, анамнездегі сәулелі немесе химиялық ем, сондай-ақ гиперэозинофилия немесе миелопролиферациялық аурулар себебінен болатын сүйек кемігі функциясының бәсеңдеуімен байланысты лейкоциттер және/немесе нейтрофилдер мөлшері төмен пациенттерде сақтық шарасын қадағалау керек. Нейтропения, әдетте, оланзапин мен вальпрой қышқылын бір мезгілде қолданғанда туындайды.

Тоқтату синдромы

Жекелеген жағдайларда Оланз ODT қабылдауды күрт тоқтатқанда жедел туындайтын симптомдар: қатты тершеңдік, ұйқысыздық, тремор, мазасыздық, жүрек айну және құсумен қатар жүретін жай-күй дамуы мүмкін.

QT аралығы

Клиникалық зерттеулер барысында ауыз қуысында ұсақталатын оланзапин таблеткаларын қабылдайтын пациенттерде, плацебо тобы пациенттерімен салыстырғанда, кейде жүрек-қантамыр жүйесі тарапынан болатын қатарлас құбылыстарында мардымсыз айырмашылық бар QTc аралығының клиникалық мәнді ұзаруы (бастапқы QTcF <500 мс пациенттерде QTcF≥500 Фридериций бойынша түзетілген QT аралығы) байқалды. Алайда, психозға қарсы басқа препараттарды қабылдау кезіндегідей, әсіресе, егде жаста, туа біткен QT аралығының ұзару синдромы бар пациенттерде, іркілісті жүрек жеткіліксіздігі, миокард гипертрофиясы, гипокалиемия немесе гипомагниемия кезінде QT аралығын ұзартатын дәрілік препараттармен бір мезгілде Оланз ODT қолдану кезінде сақ болу керек. Оланзапинмен емделу кезінде мезгіл-мезгіл электрокардиограмма бақылауын жүргізген жөн.

Орталық жүйке жүйесіне (ОЖЖ) әсері

Препараттың ОЖЖ-не әсер ету сипатын ескеріп, орталық әсер ететін басқа дәрілік препараттармен және алкогольмен біріктіріп Оланз ODT сақтықпен қолданылу керек. Іn vitro жағдайларында Оланз ODT дофамин рецепторларына қатысты антагонизм танытады және тікелей және тікелей емес дофамин агонистерінің әсерін бәсеңдетуі мүмкін.

Тромбоэмболия

Оланзапин қабылдау кезінде вена тромбоэмболиясы туындаған жекелеген жағдайлар хабарланды. Осы оқиғалар арасындағы себеп-салдарлы байланыс анықталмаған. Алайда, шизофрениясы бар пациенттерде, вена тромбоэмболиясын дамытатын жүре пайда болған қауіп факторларымен қатар, вена тромбоэмболиясын дамытуы мүмкін басқа қауіп факторларының бәрі, мысалы, ұзаққа созылатын иммобилизация болуы мүмкін екендіктен, осы қауіп факторларын анықтап, профилактикалық іс-шаралар жүргізу қажет.

Талмалар/ұстамалар

Оланз ODT анамнезінде талмалары/ұстамалары немесе құрысу белсенділігі шегінің төмендеуіне ықпал ететін қауіп факторлары бар пациенттерде сақтықпен қолданылу керек. Сирек жағдайларда (көпшілігінде анамнездегі ұстамалар немесе ұстамалар туындауының қауіп факторларының болуы аталған) Оланз ODT қабылдаған пациенттерде талмалар/ұстамалардың туындауы хабарланған.

Кешеуілді дискинезия

Бір жылға немесе одан да аз уақытқа созылатын салыстырмалы зерттеулерде Оланз ODT емі дәрі-дәрмекпен түзетуді талап ететін дискинезияның дамуымен нақты түрде сирек қатар жүрген. Алайда, кешеуілді дискинезияның даму қаупі ұзақ уақыт Оланз ODT қолдану кезінде артады. Кешеуілді дискинезияның белгілері немесе симптомдары білінгенде препарат дозасын азайту немесе оны тоқтату мәселесін қарастыру қажет. Кешеуілді дискинезия симптомдарының уақытша күшеюі немесе тіпті препаратты тоқтатудан кейін де көрініс беруі мүмкін.

Постуральді гипотензия

Клиникалық зерттеулерде сирек жағдайларда егде жастағы пациенттерде постуральді гипотензияның дамуы хабарланған. Психозға қарсы басқа препараттарды қолдану жағдайындағы сияқты, 65 жастан асқан пациенттерде артериялық қысымды мезгіл-мезгіл бақылау ұсынылады.

Жүректен болатын кенет өлім (ЖКӨ)

Постмаркетингтік бақылау кезінде ауыз қуысында ұсақталатын оланзапин таблеткаларын қабылдаған пациенттер арасында жүректен болатын кенет өлім жағдайлары тіркелген. Ретроспективті обсервациялық когорталық зерттеу деректері бойынша, антипсихотиктер қолданбаған пациенттер арасындағы кенет өлім жағдайларымен салыстырғанда, атипиялық нейролептиктер қабылдаған пациенттерде осыған ұқсас, дозаға байланысты, кенет өлім қаупінің екі есе артуы анықталған.

Жүктілік және лактация кезеңі

Жүктілік кезінде оланзапин қолдану тәжірибесінің жеткіліксіздігіне және тиісті клиникалық зерттеулер болмауына байланысты, препарат жүктілік кезінде егер пациент әйел үшін ықтималды пайдасы шаранаға төнетін зор қауіптен едәуір асып түскен жағдайда ғана тағайындалу керек. Пациенттерге Оланз ODT емі кезеңінде жүктілік басталғанда немесе жоспарланғанда емдеуші дәрігерін хабарландыруы қажет екені ескертілуі тиіс.

Жүктіліктің үшінші триместрінде психозға қарсы препараттар (Оланз ODT қамтылатын) әсер еткен жағдайда жаңа туған нәрестелер ауырлығы мен ұзақтығына қарай өзгеруі мүмкін экстрапирамидалық симптомдарды және/немесе тоқтату симптомдарын қоса, жағымсыз реакциялардың даму қаупіне ұшырайды. Қозу, гипертония, гипотония, тремор, ұйқышылдық, тыныс алу немесе тамақтану бұзылыстарының даму жағдайлары хабарланған. Демек, жаңа туған нәрестелер мұқият қадағалауда болуы тиіс.

Оланзапиннің емшек сүтімен бөлінетіні анықталған. Оланз ODT емі кезінде бала емізуге кеңес берілмейді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Оланзапиннің көлік құралын немесе аса қауіпті механизмдерді басқару қабілетіне әсер етуіне қатысты зерттеулер жүргізілмеген. Оланз ODT қабылдайтын пациенттерге, автокөлікті қоса, механикалық құралдарды басқару кезінде сақтық таныту керек, өйткені дәрілік препарат ұйқышылдық пен бас айналуды туғызуы мүмкін.

Өліммен аяқталатын жедел артық дозалану кезіндегі ең төменгі доза 450 мг құрады, нәтижесі оң (тірі қалу) артық дозалану кезіндегі ең жоғары доза 2000 мг құрады.

Симптомдары: Оланз ODT артық дозаланғанда ең көп таралған (жиілігі 10%) симптомдар: тахикардия, қозу/озбырлану, дизартрия, әртүрлі экстрапирамидалық бұзылыстар және ауырлық дәрежесі әртүрлі сана бұзылулары (тыныштану әсерінен комаға дейін).

Артық дозаланудың басқа клиникалық мәнді зардаптарына делирий, құрысулар, қатерлі нейролептиктік синдром, тыныстың тарылуы, аспирация, артериялық гипертензия немесе гипотензия, жүрек аритмиялары (артық дозаланудың <2% жағдайы) және жүректің әрі тыныстың тоқтап қалуы жатады.

Емі: спецификалық антидоты жоқ. Құстыруға кеңес берілмейді. Артық дозалану кезінде стандартты емшаралар жүргізу (асқазанды шаю, белсендірілген көмір тағайындау) қажет болуы мүмкін. Белсендірілген көмірді бірге тағайындау ішке қабылдағанда оланзапин биожетімділігінің 50-60% дейін төмендеуін көрсетті.

Клиникалық жай-күйіне сәйкес симптоматикалық ем және артериялық гипотонияны, циркуляторлық коллапсты емдеу мен тыныс алу функциясын демеуді қоса, өмірлік маңызды ағзалар функцияларын бақылау көрсетілген. Эпинефрин, дофаминді және бета-адренорецепторларды көтермелеу артериялық гипотонияны өршітуі мүмкін екендіктен бета-агонистік белсенділігі бар басқа симпатомиметиктерді қолдануға болмайды. Болуы мүмкін аритмияларды анықтау мақсатында жүрек-қантамыр жүйесіне мониторинг өткізу қажет. Мұқият медициналық бақылау және мониторинг пациенттің сауығуына дейін жалғасуы тиіс.

Шығарылу түрі және қаптамасы

Ламинацияланған қағаздан, алюминий фольгадан және полиэтиленнен жасалған үш қабатты пішінді ұяшықты қаптамаға 7 таблеткадан салады.

Медициналық қолдану жөніндегі мемлекеттік және орыс тілдеріндегі нұсқаулықпен бірге пішінді ұяшықты 4 қаптамадан картон қорапшаға салынады.

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

Sun Pharmaceutical Industries Ltd., Үндістан

Halol - Baroda highway, Halol - 389350, Gujarat, Үндістан

Тіркеу куәлігінің ұстаушысы

Sun Pharmaceutical Industries Ltd., Үндістан

Заңды мекенжайы:

Sun House, Plot No. 201 B/1,

Western Express Highway, Goregoan (E),

Mumbai - 400 063, Maharashtra, Үндістан

Қаптаушы ұйымның атауы және елі

Sun Pharmaceutical Industries Ltd., Үндістан

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы

Қазақстан Республикасындағы Sun Pharmaceutical Industries Ltd өкілдігі

Алматы қ., Манас к-сі 32А, САТ БО, 602 кеңсе

тел.: 8-727-2378450

эл.пошта: regulatory.kz@sunpharma.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

Қазақстан Республикасындағы Sun Pharmaceutical Industries Ltd өкілдігі

Алматы қ., Манас к-сі 32А, САТ БО, 602 кеңсе

тел.: 8-727-2378450

эл.пошта: regulatory.kz@sunpharma.com